ચઢે (ગઝલ) -ઘનશ્યામ ઠક્કર
તારા ગયા પછી તો એ રીતે દિવસ ચઢે,
આંસુ વહ્યા પછી નયનને જ્યમ તરસ ચઢે.
શ્રાવણમાં તારા અશ્રુનો નશો ચલાવી લૌં,
ફાગણમાં સખી ! માત્ર તારો આમ્ર રસ ચઢે.
તારા વિરહના કેફમાં તારું મિલન ભળ્યું,
મદિરાથી છકછકેલને જાણે ચરસ ચઢે.
ને એટલું તો ઘટ્ટ તારું આગમન હતું,
કેલેન્ડરુ પર સામટું આખું વરસ ચઢે.
કાવ્યો લખ્યાની મસ્તી હવે છે નીચે મુજબ,
‘કાગળ કલમ, ને હું ‘- બધું અરસપરસ ચઢે!
(1988)
(Email: sarjan68@yahoo.com)
