ગુજરાતી ગરબા, રાસ અને લોકગીતોમાં કરુણ રસ.

નવરાત્રી ગરબાઃ Play એને વિજોગ

ગીત અને સંગીતઃ ઘનશ્યામ ઠક્કર
સ્વરઃ નેહા મહેતા અને વૃંદ

એને વિજોગ
ગીત અને સંગીતઃ ઘનશ્યામ ઠક્કર
સ્વરઃ નેહા મહેતા અને વૃંદ
આસોપાલવની ડાળે
પાલવડે દડદડતી યાદ એની સૈયર! ઓશીકે સીંચાતાં શમણાં;
ઊગમણા આવે તો પગલાં પૂજું, ને હિયે ચાંપું જો આવે આથમણા.
 
એને વિજોગ દંન ભડકે બળે, ને રાત થોરિયાની વાડ્યોમાં જાગતી,
ટીમણ ટાણે તો ખળે ડાંગર ઝુડાય એમ હૈયા પર ઝાપોટ્યો વાગતી.
મારે તો પૂરવાના ખાળ હવે સૈયર! છોને દે ભેંસ દૂધ બમણાં….. 
ઊગમણા આવે તો પગલાં પૂજું, ને હિયે ચાંપું જો આવે આથમણા.
   
વેઠી વૈશાખ મેં તો  જળ રે સીંચ્યાં, ને પેલાં વરસ્યાં વાદળ મારાં થાય ના,
કેવે તે ઘોડલે થ્યા છે અસવાર એ, કે નજર્યુંના ઢાળ આ ચઢાય ના? 
ધગધગતી ધરતી એ ઠારે યે કોણ જેની ઉપરથી વ્હૈ જાતાં ઝરણાં, 
પાલવડે દડદડતી યાદ એની સૈયર! ઓશીકે સીંચાતાં શમણાં;
 
અંધારા સૂરજને જોવાને કાજ મારે ઓલવવા આંખ્યુંના દીવા?
એને પામ્યાના મારા છલછલતા કળશ્યેથી કોરા તે ઘૂંટડા પીવા!
ખોળિયાનો ખાલીપો વેંઢારું ક્યાં લગ, કે અંતરનાં થૈ ગ્યાં ઊઠમણાં
ઊગમણા આવે તો પગલાં પૂજું, ને હિયે ચાંપું જો આવે આથમણા.
——————–