Posts tagged ‘Photography’

અમારા યુ.એસ.એ.ના નિવાસને અડકીને વહેતી માનવ-સર્જિત નદી પર આહ્લાદક સૂર્યાસ્ત – ફોટોઃ ઘનશ્યામ ઠક્કર (ઓએસીસ)


અમારા યુ.એસ.એ.ના નિવાસને અડકીને વહેતી 

માનવ-સર્જિત નદી પર આહ્લાદક સૂર્યાસ્ત

ફોટોઃ ઘનશ્યામ ઠક્કર (ઓએસીસ)

 

મિત્રો,
નિસર્ગ ક્યારે કેવું સૌંદર્ય કે કલાકૃતિ રચશે તે કહેવું મુશ્કેલ છે. આધુનિક સમયમાં આપણે સ્માર્ટફોન ખિસ્સામાં રાખીએ છીએ તેથી આવી સુંદર પળને કેમેરામાં કેદ કરવી સહેલી પડે છે. ક્યારેક એમ પણ થાય કે સાથે કૅનન કૅમેરા સાથે હોત તો કેવું સારું!

આમ પણ અમારું નિવાસ સ્થાન કુદરતી સૌંદર્યથી ઘેરાએલું છે.

એક તરફ નદી, બીજી તરફ વનરાજી અને તળાવ,ત્રીજી તરફ પાર્ક, અને ચોથી તરફ બીજો પાર્ક.

સાંજે ટહેલવા નીકળ્યો હતો, અને આ અદભૂત સૂર્યાસ્ત નિહાળ્યો. ખિસ્સામાં સ્માર્ટફોન હતો તેનો કેમેરા કામ લાગી ગયો.
આશા છે આપને પણ આ ફોટોગ્રાફ ગમશે.
ઘનશ્યામ

============================================================

My Poetry

My Music

My Videos

==============================================================

TWO TOP VIDEOS

750,000  hits on youtube and counting,   plus ???? Mp3 hits

Man Dole Mera Tan Dole (Instrumental Snake-Charmer Music) – Oasis Thacker [Ghanshyam Thakkar]

Over 81,000 hits on youtuve, plus ???? on MP3

Mere Desh Ki Dharti Sona

(Instrumental synchronized with original film video)

 

Advertisements

‘બતકો ડેઇટ પર’ [ ફોટોગ્રાફઃ ઘનશ્યામ ઠક્કર (Oasis)


Ducks on Date [ Photo – Oasis Thacker ]

અમારા ડાલાસ, ટેક્સાસના નિવાસ પાછળ વહેતી માનવ-સર્જિત નદીને કિનારે એક દિવસ કેમેરો લઈ ફરવા નીકળ્યો હતો, ત્યારે એક મોટા વૃક્ષ તળે ઘણી બધી બતકો [ઘણાં બધાં બતક? આપણે બતકને હમેશાં સ્ત્રીલીંગથી કેમ સંબોધીએ છીએ?] ટોળે વળી પિકનિક માણતાં હતાં. પાછો ફર્યો ત્યારે કેટલાંક બતક બબ્બેની જોડીમાં નદીમાં સહેલગાહ માણવા નીકળી પડ્યાં હતાં. બતક અને હંસ એક જ પરિવારનાં હોવાથી મને ગીત યાદ આવી ગયું
दो हंसो का जोडा बिछड गयो रे

પણ પછી સવાલ ઊઠ્યોઃ ‘દો હંસો કા જોડા’, નું ગીત લખાયું તો ‘દો બતખોં કા જોડા’ નું ગીત કેમ નહીં? ગુગલ પર શોધ કરતાં જણાયું કે હંસ અને બતક કઝિન હોવા છતાં બન્નેના વર્તનમાં ઘણો ફરક છે. હંસનું જોડું એક વાર પ્રેમમાં પડે છે, પછી આખી જિંદગી સાથ નિભાવે છે. એક બીજા વિના રહી શકતાં નથી. બતક એકદમ આધુનિક વિચારધારા ધરાવે છે. માત્ર પ્રજનન (સેક્સ?) માટે ભેગા મળે છે, અને થોડા સમય પછી છુટાં પડી જાય છે. તેથી આ ફોટોગ્રાફનું નામ ‘બતકો ડેઇટ પર’ આપ્યું છે.

ઘનશ્યામ ઠક્કર

મૂળ કે બુલડૉગ? [ ફોટોગ્રાફીઃ ઘનશ્યામ ઠક્કર (ઓએસીસ)]


A Root or A Bulldog?

Photography : Oasis Thacker

પ્રકૃતિ ક્યારેક અવનવાં ચિત્રો ઉપજાવતી હોય છે જે કુદરતનાં કે માનવનાં બીજાં સર્જનો જેવાં દેખાતાં હોય છે. આવાં દ્રશ્યો ફોટોગ્રાફી માટે હમેશાં લોકપ્રિય રહ્યાં છે. આકાશમાં વાદળો જ્યારે અવનવાં ચિત્રો રચે ત્યારે લાગે કે હાથમાં કેમેરો હોય તો કેવું સારું. પણ કેમેરો લેવા જઈએ ત્યાં સુધીમાં તો તે દ્રશ્ય બદલાઈ ગયું હોય છે. ક્યારેક વૃક્ષોનાં થડ, મૂળ; તો ક્યારેક ટેકરીના ખડકો આવાં ચિત્રો ઉભાં કરતાં હોય છે.

આ ફોટોગ્રાફ અમારા ડાલાસ, ટેક્સાસના રહેઠાણને અડીને વહેતી માનવસર્જિત નદીને કિનારે ઉગેલા એક વૃક્ષના મૂળનો છે. આ નદીને કિનારેથી લીધેલા બીજા બે ફોટોગ્રાફ આપે જોયા હશે. ઘર પછવાડે નદી (૩) – ફોટોગ્રાફઃ ઘનશ્યામ ઠક્કર (ઓએસીસ),   [Garden-Grown Duck. બીજી પણ થોડી તસ્વીરો છે, જે ભવિષ્યની પોસ્ટમાં મૂકીશ.